ரூ.22 லட்சத்துக்கு வெற்றிலை விற்பனை

பாப்பிரெட்டிப்பட்டி, தர்மபுரி மாவட்டம், பொம்மிடியில் நேற்று வெற்றிலை வாரச்சந்தை நடந்தது. இதில், தர்மபுரி, ஓசூர், கிருஷ்ணகிரி, காங்கேயம், அரூர், சேலம் உள்ளிட்ட பகுதிகளை சேர்ந்த வியாபாரிகள் வந்திருந்தனர். சந்தையில், பொம்மிடி, கே.என்.புதுார், கொமத்தம்பட்டி, முத்தம்பட்டி உள்ளிட்ட, 20க்கும் மேற்பட்ட கிராமங்களை சேர்ந்த விவசாயிகள், வெற்றிலையை விற்பனைக்கு கொண்டு வந்திருந்தனர். இதில், 128 கட்டுகளை கொண்ட, ஒரு மூட்டை வெற்றிலை கடந்த வாரம், 6,000 முதல், 13,000 ரூபாய் வரை விற்றது. நேற்று, 6,000 முதல், 14,000 ரூபாய் வரை விற்பனையானது. கடந்த வாரத்தை விட, 1,000 ரூபாய் விலை கூடுதலாக விற்பனையானது. சந்தையில், நேற்று மொத்தம், 200 வெற்றிலை மூட்டைகள், 22 லட்சம் ரூபாய்க்கு விற்பனையானதாக வியாபாரிகள் தெரிவித்தனர்.