மின் பயனீட்டாளர் குறைதீர் கூட்டம்

ஈரோடு, ஈரோடு மின் பகிர்மான வட்ட மேற்பார்வை பொறியாளர் கலைசெல்வி தலைமையில், நாளை காலை, 11:00 மணிக்கு மின் பயனீட்டாளர் மாதாந்திர குறைதீர் கூட்டம், 'செயற்பொறியாளர் (விநியோகம்-தெற்கு), ஈரோடு கோட்ட அலுவலகம், 948-ஈ.வி.என்.சாலை, ஈரோடு-9' என்ற முகவரியில் நடக்கிறது. இதில் சோலார், கணபதிபாளையம், கொடுமுடி, சிவகிரி, கஸ்துாரிபாய் கிராமம், அரச்சலுார், எழுமாத்துார், மொடக்குறிச்சி, அனுமன்பள்ளி, முள்ளாம்பரப்பு பகுதி பயனீட்டாளர் தங்கள் குறை, கோரிக்கைகளுக்கு தீர்வு காணலாம்.* கோபி மின் பகிர்மான வட்டம் சார்பில், பவானி பகுதி மின் நுகர்வோருக்கான மாதாந்திர குறைதீர் கூட்டம், நாளை காலை, 11:00 முதல், மதியம் 1:00 மணி வரை, ஊராட்சிக்கோட்டையில் உள்ள செயற்பொறியாளர் அலுவலகத்தில் நடக்கிறது. இதில் பவானி கோட்ட மின் நுகர்வோர், மின்சாரம் சம்பந்தமான குறைகளை தெரிவித்து பயன் பெறலாம்.