தமிழக கால்பந்து அணிக்கு கொங்கு கல்வி நிலைய மாணவர் தேர்வு

ஈரோடு, நீலகிரி மாவட்டம் குன்னுாரில், 19 வயதுக்குபட்ட மாணவிகளுக்கான கால்பந்து தேர்வு போட்டி நடந்தது. இதில் ஈரோடு ரங்கம்பாளையம், கொங்கு கல்வி நிலைய, பிளஸ் ௨ மாணவி பிரவினா தேர்வு பெற்றார். அடுத்த மாதம் மணிப்பூரில் நடக்கும் தேசிய போட்டியில் விளையாடுவார்.மயிலாடுதுறையில், 17 வயதுக்குட்பட்ட கால்பந்து தேர்வு போட்டியில், பள்ளியின் பிளஸ் ௧ மாணவி இலக்கியா தமிழக அணிக்கு தேர்வானார். திருச்சியில் நடந்த, 17 வயதுக்குட்பட்ட மாநில அளவிலான கால்பந்து தேர்வு போட்டியில் பிளஸ் ௧ மாணவர் ஆகாஷ், தமிழக அணிக்கு தேர்வானார். இவர்களை பள்ளி தலைவர் சின்னசாமி, செயலாளர் செல்வராஜ், பொருளாளர் குணசேகரன், மற்றும் உதவித்தலைவர்கள் சோமசுந்தரம், தெய்வசிகாமணி, இணை செயலாளர் மீனாட்சிசுந்தரம், இணை பொருளாளர் நாகராஜன் மற்றும் பொதுக்குழு உறுப்பினர்கள் பாராட்டி வாழ்த்தினர்.