ரூ.10.96 லட்சத்துக்கு வாழை விற்பனை

ரூ.10.96 லட்சத்துக்கு வாழை விற்பனைகோபி, டிச. 8-கோபி வேளாண்மை உற்பத்தியாளர் கூட்டுறவு விற்பனை சங்கத்தில், வாழைத்தார் மற்றும் தேங்காய் ஏலம் நேற்று நடந்தது. கதளி ஒரு கிலோ, 32 ரூபாய், நேந்திரன், 45 ரூபாய்க்கும் விற்றது. பூவன் மற்றும் பச்சைநாடன் தார் தலா, 400 ரூபாய், தேன்வாழை தார், 500 ரூபாய், செவ்வாழை, 1,010, ரஸ்த்தாளி, 850, ரொபஸ்டா, 310, மொந்தன், 250 ரூபாய்க்கும் விற்பனையானது. வரத்தான, 8,660 வாழைத்தார்களும், 10.96 லட்சம் ரூபாய்க்கு விற்பனையானது. தேங்காய் ஏலத்தில் ஒரு காய், 11 ரூபாய் முதல் 36 ரூபாய் வரை விற்பனையானது. வரத்தான, 16 ஆயிரத்து 760 தேங்காய்களும், 3.52 லட்சம் ரூபாய்க்கு விற்பனையானது.