மதுபாட்டில், ஹான்ஸ் விற்ற 3 பேர் கைது

கள்ளக்குறிச்சி : கள்ளக்குறிச்சி பகுதியில் வெவ்வேறு இடங்களில் மதுபாட்டில் மற்றும் ஹான்ஸ் விற்ற 3 பேரை போலீசார் கைது செய்தனர்.கள்ளக்குறிச்சி சப்-இன்ஸ்பெக்டர்கள் விஜயராகவன் மற்றும் கனகவள்ளி ஆகியோர் தனி, தனியாக நேற்று முன்தினம் ரோந்து மேற்கொண்டனர். அப்போது, வெவ்வேறு பகுதிகளில் மதுபாட்டில் விற்ற மோகூரை சேர்ந்த கொளஞ்சி,54; விளம்பாவூரை சேர்ந்த செந்தில்குமார்,53; ஆகிய இருவரையும் கைது செய்தனர்.மொத்தமாக 8 மதுபாட்டில்கள், ரூ.600 பணம் பறிமுதல் செய்யப்பட்டது. அதேபோல், பொற்படாக்குறிச்சி கிராமத்தில் அரசால் தடை செய்யப்பட்ட ஹான்ஸ் பாக்கெட்டுகள் விற்ற தங்கராசு,58; என்பவரையும் கைது செய்தனர். 48 ஹான்ஸ் பாக்கெட்டுகள் பறிமுதல் செய்யப்பட்டது.