கள்ளக்குறிச்சியில் 20ம் தேதி வேலைவாய்ப்பு முகாம்

கள்ளக்குறிச்சி; கள்ளக்குறிச்சியில் வரும் 20ம் தேதி தனியார் துறை வேலை வாய்ப்பு முகாம் நடக்கிறது.கலெக்டர் பிரசாந்த் செய்திக்குறிப்பு:கள்ளக்குறிச்சியில், மாவட்ட வேலை வாய்ப்பு மற்றும் தொழில் நெறி வழிகாட்டும் மையத்தில் வரும் 20ம் தேதி தனியார் துறை வேலை வாய்ப்பு முகாம் நடக்கிறது. முகாமில் தமிழகத்தில் உள்ள முன்னணி தனியார் துறை நிறுவனங்கள் தங்களுக்கான தேவையான பணியிடங்களை நிரப்ப உள்ளனர். அன்று காலை 10:00 மணி முதல் மதியம் 1:00 மணி வரை நடக்கிறது.மாவட்டத்தில் 8ம் வகுப்பு, 10ம் வகுப்பு, ஐ.டி.ஐ., டிப்ளமோ, பி.இ., -பி.டெக்., முடித்த ஆண்கள், பெண்கள் முகாமில் பங்கேற்று பயனடையலாம்.விருப்பமுள்ளவர்கள் www.tnprivatejobs.tn.gov.inஎன்ற இணையதளத்தில் பதிவு செய்ய வேண்டும். தனியார் துறையில் வேலை பெறுபவர்களின் வேலைவாய்ப்பு பதிவு ரத்து செய்யப்படமாட்டாது. வேலைவாய்ப்பற்ற இளைஞர்கள் முகாமில் பங்கேற்று பயன்பெறுமாறு கேட்டுக் கொள்ளப்படுகிறார்கள்.இவ்வாறு செய்திக்குறிப்பில் கூறப்பட்டுள்ளது.