கனியாமூர் சக்தி மேல்நிலைப்பள்ளி 10ம் வகுப்பு தேர்வில் சாதனை

கள்ளக்குறிச்சி: கனியாமூர் சக்தி மெட்ரிக் மேல்நிலைப்பள்ளியில், 10ம் வகுப்பு பயின்ற மாணவ, மாணவியர் பொதுத்தேர்வில் சிறந்த மதிப்பெண்களை பெற்று சாதனை படைத்துள்ளனர்.சின்னசேலம் அடுத்த கனியாமூர் சக்தி மெட்ரிக் மேல்நிலைப்பள்ளியில், 10ம் வகுப்பு பயின்ற மாணவர் அன்புகுமாரன் 493 மதிப்பெண்களை பெற்று, பள்ளி அளவில் முதலிடமும், மாவட்ட அளவில் சிறப்பிடமும் பெற்று சாதனை படைத்துள்ளார்.இவர், பாடவாரியாக தமிழ் 98, ஆங்கிலம் 98, கணிதம் 100, அறிவியல் 100, சமூக அறிவியல் 97, மதிப்பெண்களை பெற்றார். அதேபோல், மாணவி சுமஸ்ரீ, தமிழ் 98, ஆங்கிலம் 99, கணிதம் 100, அறிவியல் 99, சமூக அறிவியல் 94 என மொத்தமாக, 490 மதிப்பெண்களை பெற்று, 2,ம் இடம் பிடித்தார்.மாணவி மணிஷா தமிழ் 96, ஆங்கிலம் 98, கணிதம் 91, அறிவியல் 99, சமூக அறிவியல் 98 என மொத்தமாக, 482 மதிப்பெண்கள் பெற்று, 3,ம் இடம் பிடித்துள்ளார்.மாணவர் அன்புகுமாரன் கணிதம் மற்றும் அறிவியல் பாடத்தில் சென்டமும், மாணவி சுமஸ்ரீ கணித பாடத்தில் சென்டமும் எடுத்துள்ளனர்.பள்ளியின் நிறுவனர் பார்வதியம்மாள், சேர்மன் ரவிக்குமார், செயலாளர் சாந்தி, நிர்வாக இயக்குநர் சக்தி ரவிக்குமார், முதல்வர் பிரகாஷ் ஆகியோர் சிறந்த மதிப்பெண் பெற்ற மாணவ, மாணவியரை பாராட்டி, சால்வை அணிவித்து கோப்பை வழங்கி கவுரவித்தனர்.