தனியார் பள்ளி வாகனங்கள் : சப் கலெக்டர் ஆய்வு

திருக்கோவிலுார்: திருக்கோவிலுாரில், தனியார் பள்ளி வாகனங்களை, சப் கலெக்டர் ஆய்வு செய்தார். திருக்கோவிலுார் வட்டாரத்தில் உள்ள தனியார் பள்ளி வாகனங்களை ஆய்வு செய்வதற்கான முகாம் சந்தைப்பேட்டையில் உள்ள வித்யாமந்திர் பள்ளி வளாகத்தில் நடந்தது. இதில் 51 வாகனங்கள் ஆய்விற்கு உட்படுத்தப்பட்டன. இதனை மாவட்ட அளவிலான தனியார் பள்ளி வாகன ஆய்வு குழுவை சேர்ந்த சப் கலெக்டர் ஆனந்த் குமார் சிங், வட்டார போக்குவரத்து இன்ஸ்பெக்டர் மாணிக்கம், தீயணைப்பு நிலைய அலுவலர் உள்ளடக்கிய குழுவினர் ஆய்வு செய்தனர். இதில்,5 வாகனங்களில் பாதுகாப்பு அம்ச குறைபாடுகள் கண்டறியப்பட்டதால், சரிசெய்து மறு ஆய்வுக்கு வரும் வரை பொது சாலையில் இயக்க அனுமதி மறுத்து உத்தரவிட்டனர்.தொடர்ந்து பள்ளி வாகன ஓட்டுனர்கள் மற்றும் உதவியாளர்களுக்கு வட்டார போக்குவரத்து அலுவலர்கள் பாதுகாப்பான முறையில் வாகனங்களை இயக்குவது குறித்து பயிற்சி அளித்தனர்.