பொது விநியோக திட்ட குறைகேட்பு முகாம்
ரிஷிவந்தியம் : வாணாபுரம் தாலுகா அலுவலகத்தில் பொது விநியோக திட்டத்தின் கீழ் சிறப்பு குறைகேட்பு முகாம் நடந்தது.வட்ட வழங்கல் அலுவலர் அண்ணாமலை தலைமை தாங்கினார். இளநிலை வருவாய் ஆய்வாளர் பழனி, தனி வருவாய் ஆய்வாளர் கார்மேகம் முன்னிலை வகித்தனர்.முகாமில் ரேஷன் கார்டில் மொபைல் போன் எண் மாற்றம், குடும்ப உறுப்பினர் நீக்கம், புதிதாக பெயர் சேர்த்தல், குடும்ப தலைவர் மாற்றம், பெயர் மற்றும் பிறந்த தேதி திருத்தம், நகல் அட்டை தொடர்பாக, 56 மனுக்கள் பெறப்பட்டு, உடனடி தீர்வு காணப்பட்டது. கள்ளக்குறிச்சி
கள்ளக்குறிச்சி தாலுகா அலுவலகத்தில் நடந்த முகாமிற்கு, வட்ட வழங்கல் அலுவலர் பிரபாகரன் தலைமை தாங்கினார். முகாமில், ரேஷன் கார்டில் பெயர் சேர்த்தல் 2, பெயர் நீக்கம் 7, முகவரி மாற்றம் 3, மொபைல் எண் மாற்றம் 11, பெயர், முகவரி திருத்தம், புகைப்படம் மாற்றம் 5 என மொத்தம், 28 மனுக்கள் பெறப்பட்டு, உடனடி தீர்வு காணப்பட்டது. முதுநிலை வருவாய் ஆய்வாளர் பெரிய தமிழன், இளநிலை வருவாய் ஆய்வாளர் ஜெயஸ்ரீ பங்கேற்றனர்.