திருக்கோவிலுார் பள்ளியில் வானவில் மன்ற விழா
திருக்கோவிலுார்,;திருக்கோவிலுார் ஆண்கள் மேல்நிலைப் பள்ளியில் நடந்த வானவில் மன்ற விழாவில், தொலை நோக்கியை கையாளும் விதம் குறித்து மாணவர்களுக்கு செயல்விளக்க பயிற்சி அளிக்கப்பட்டது. பள்ளி தலைமை ஆசிரியர் பாஸ்கரன் தலைமை தாங்கினார். உதவி தலைமை ஆசிரியர் கவிதா முன்னிலை வகித்தார். வானவில் மன்ற செயலாளர் வில்வபதி வரவேற்றார். கள்ளக்குறிச்சி மாவட்ட வானியல் மன்ற தலைவர் ஜானகிராமன் தொலை நோக்கியை கையாளும் விதம் மற்றும் தொலைதுாரப் பொருட்களை காணும் நிகழ்வு குறித்து மாணவர்களுக்கு செயல் விளக்க பயிற்சி அளித்தார். ஆசிரியர்கள் சங்கரன், திருமலை, குணசேகரன், அறிவழகன் உள்ளிட்ட பலரும் கலந்து கொண்டனர்.