கூட்டுறவு பற்றி தனித்துவமான பாடலுக்கு ரூ. 50 ஆயிரம் பரிசு

கள்ளக்குறிச்சி; கூட்டுறவு பற்றிய தனித்துவமான பாடல் அனுப்புபவர்களுக்கு ரூ.50 ஆயிரம் பணம், கேடயம் வழங்கப்படுதாக இணைப்பதிவாளர் தெரிவித்துள்ளார்.கள்ளக்குறிச்சி கூட்டுறவு சங்கங்களின் மண்டல இணைப்பதிவாளர் முருகேசன் விடுத்துள்ள செய்திக்குறிப்பு:2025ம் ஆண்டு சர்வதேச கூட்டுறவு ஆண்டாக கொண்டாடப்படுகிறது. இதையொட்டி கூட்டுறவு பற்றிய தனித்துவமான பாடல்கள் வரவேற்கப்படுகிறது. பாடல் தமிழ் மொழியில் 5 நிமிடங்கள் ஒலிபரப்பாகும் வகையில் இருக்க வேண்டும். கூட்டுறவு பற்றிய எழுச்சி மற்றும் உத்வேகம் உண்டாக்கும் வகையில் பாடலின் வரிகள் இருக்க வேண்டும்.தேர்வுக்குழுவால் தேர்வு செய்யப்படும் சிறந்த பாடலுக்கு ரூ.50 ஆயிரம் பணம், கேடயம் வழங்கப்படும். பாடலின் 'ஹார்ட் காப்பியை' மேலாண்மை இயக்குநர், தமிழ்நாடு கூட்டுறவு ஒன்றியம் என்.வி.நடராசன் மாளிகை, நெ.170, பெரியார் ஈ.வெ.ரா நெடுஞ்சாலை, கீழ்பாக்கம், சென்னை 600 010 என்ற முகவரிக்கு அனுப்ப வேண்டும்.'சாப்ட் காப்பியை' தமிழ்நாடு கூட்டுறவு ஒன்றியத்தின் gmail.comஎன்ற மின்னஞ்சல் முகவரிக்கு மே 30ம் தேதி மாலை 5:00 மணிக்குள் கிடைக்குமாறு அனுப்ப வேண்டும். இவ்வாறு அதில் கூறப்பட்டுள்ளது.