கள்ளக்குறிச்சி கமிட்டியில் ரூ.55 லட்சம் வர்த்தகம்
கள்ளக்குறிச்சி, ; கள்ளக்குறிச்சி மார்க்கெட் கமிட்டியில் 55 லட்சம் ரூபாய்க்கு வர்த்தகம் நடந்தது.கமிட்டிக்கு, எள் 600 மூட்டை, மக்காச்சோளம் 200, கம்பு 30, ராகி, உளுந்து தலா 5 மூட்டை, வேர்க்கடலை, தேங்காய் பருப்பு தலா ஒரு மூட்டை என மொத்தம் 842 மூட்டை விளை பொருட்களை விவசாயிகள் கொண்டு வந்தனர். சராசரியாக, ஒரு மூட்டை எள் 8,214 ரூபாய்க்கும், மக்காச்சோளம் 2,262, கம்பு 2,515, ராகி 2,513, உளுந்து 2,905, வேர்கடலை 7,761, தேங்காய் பருப்பு 15,520 ரூபாய்க்கும் கொள்முதல் செய்யப்பட்டது. கமிட்டியில் 55 லட்சத்து 6 ஆயிரத்து 621 ரூபாய்க்கு நேற்று முன்தினம் வர்த்தகம் நடந்தது.அதேபோல, சின்னசேலம் மார்க்கெட் கமிட்டியில் மக்காச்சோளம் 102 மூட்டை, எள் 5, விரலி மஞ்சள் 10 மூட்டை என 117 மூட்டை விளை பொருட்கள் வந்தன. சராசரியாக ஒரு மூட்டை மக்காச்சோளம் 2,309 ரூபாய், எள் 9,061 மற்றும் விரலி மஞ்சள் 10,009 ரூபாய்க்கும் என 3 லட்சத்து 45 ஆயிரத்து 11 ரூபாய்க்கு வர்த்தகம் நடந்தது.மேலும், தியாகதுருகம் மார்க்கெட் கமிட்டியில் நெல் 51 மூட்டை, எள் 38, கம்பு 25, மக்காச்சோளம் 19, உளுந்து, ராகி தலா ஒரு மூட்டை என 135 மூட்டை விளைபொருட்கள் விற்பனைக்காக கொண்டு வரப்பட்டது. சராசரியாக நெல் 2,156 ரூபாய், எள் 8,565, கம்பு 2,522, மக்காச்சோளம் 2,125, உளுந்து 5,865, ராகி 3,150 ரூபாய்க்கும் கொள்முதல் செய்யப்பட்டது. இங்கு, 5 லட்சத்து 50 ஆயிரத்து 563 ரூபாய்க்கு வர்த்தகம் நடந்தது.