திருக்கோவிலுார் நகராட்சியில் உங்களுடன் ஸ்டாலின் முகாம்

திருக்கோவிலுார்:திருக்கோவிலுார் நகராட்சியில் உங்களுடன் ஸ்டாலின் மூன்றாம் கட்ட முகாம் நேற்று நடந்தது. திருக்கோவிலுார் நகராட்சிக்கு உட்பட்ட 27 வார்டுகளுக்கும்,11 கட்டங்களாக உங்களுடன் ஸ்டாலின் சிறப்பு முகாம் நடந்து வருகிறது. இத்திட்டத்தின் மூன்றாம் கட்டமாக 4, 15, 16 வார்டுகளுக்கு கடலுார் மெயின் ரோடு, ராஜேஸ்வரி திருமண மண்டபத்தில் நேற்று முகாம் நடந்தது. முகாமிற்கு நகராட்சி ஆணையர் திவ்யா தலைமை தாங்கினார். தாசில்தார் ராமகிருஷ்ணன், பொறியாளர் ஜெயபிரகாஷ் முன்னிலை வகித்தனர். நகராட்சி சேர்மன் முருகன் முகாமினை துவக்கி வைத்து பொதுமக்களிடம் மனுக்களை பெற்றார். முதியோர் உதவித்தொகை, மாற்றுத்திறனாளிகள் உதவித்தொகை, ஆதார் திருத்தம், புதிய மின்னணு ரேஷன் கார்டு உள்ளிட்ட 13 அரசுத்துறையைச் சேர்ந்த, 43 சேவைகளுக்கான ஏற்பாடுகள் செய்யப்பட்டிருந்தது.