உங்களை தேடி உங்கள் ஊரில் குன்றத்துாரில் திட்ட முகாம்

காஞ்சிபுரம், காஞ்சிபுரம் மாவட்ட கலெக்டர் நேரடியாக பங்கேற்கும், 'உங்களைத் தேடி உங்கள் ஊரில்' திட்ட முகாமிற்கு, ஜூன் மாதம், குன்றத்துார் தாலுகா தேர்வு செய்யப்பட்டுள்ளது.காஞ்சிபுரம் மாவட்டத்தில், ஒவ்வொரு மாதமும் மூன்றாவது புதன் கிழமைகளில், 'உங்களைத் தேடி உங்கள் ஊரில்' என்ற திட்டத்தின் வாயிலாக, ஒவ்வொரு தாலுகாவிலும், கலெக்டர் கலைச்செல்வி தங்கி ஆய்வு நடத்தி வருகிறார்.ஜூன் மாதத்திற்கான, 'உங்களைத் தேடி உங்கள் ஊரில்' திட்ட முகாமிற்கு, குன்றத்துார் தாலுகா தேர்வு செய்யப்பட்டு உள்ளது.குன்றத்துார் தாலுகாவில், கலெக்டர் கலைச்செல்வி பல்வேறு அரசு அலுவலகங்களிலும், அரசு திட்டங்களையும், நாளை, ஆய்வு செய்ய உள்ளார். குன்றத்துார் தாலுகா அலுவலகத்தில், மாலை 4:30 மணி முதல், 6:00 மணி வரை, பொதுமக்களிடம் மனுக்களை பெற உள்ளார்.குன்றத்துார் தாலுகாவைச் சேர்ந்தவர்கள், தங்களது கோரிக்கை மனுக்களை வழங்கலாம் என, கலெக்டர் கலைச்செல்வி தெரிவித்துள்ளார்.