காலிமனையில் மழைநீர் தேக்கம் குடியிருப்பில் கொசுத்தொல்லை
காஞ்சிபுரம்:காஞ்சிபுரம் மாநகராட்சி, 48வது வார்டு, வீட்டு வசதி வாரிய குடியிருப்பில் 50க்கும் மேற்பட்ட வீடுகள் உள்ளன. இப்பகுதியில் மழைநீர் வெளியேற வடிகால்வாய் வசதி இல்லை. இதனால், காலியாக உள்ள மனையில், மழைநீருடன், அப்பகுதிவாசிகளின் வீடுகளில் இருந்து வெளியேறும் கழிவு நீரும் சேர்ந்து தேங்கியுள்ளது.இதனால், அப்பகுதியில் கொசுத்தொல்லை அதிகரித்துள்ளதால் சுகாதார சீர்கேடு ஏற்படும் சூழல் உள்ளது. எனவே, தனியார் மனையில், தேங்கியுள்ள மழை நீரை அப்புறப்படுத்தவும், இப்பகுதியில் மழைநீர் வடிகால்வாய் வசதி ஏற்படுத்தவும் மாநகராட்சி நிர்வாகம் நடவடிக்கை எடுக்க வேண்டும் என, வீட்டு வசதி வாரிய குடியிருப்பினர் கோரிக்கை விடுத்துள்ளனர்.