பள்ளி சுற்றுச்சுவர் சேதம் சீரமைக்க கோரிக்கை

ஸ்ரீபெரும்புதுார்,ஸ்ரீபெரும்புதுார்பேரூராட்சி, திருமங்கையாழ்வார் சாலையில் உள்ள அரசு உதவிபெறும்சி.எஸ்.ஐ., தொடக்கப் பள்ளியில், 40க்கும்மேற்பட்ட மாணவ - மாணவியர் பயின்று வருகின்றனர். இந்த பள்ளி வளாகத்தின் சுற்றுச்சுவர் சேதடைந்து விழும் நிலையில் உள்ளது.சிமென்ட் பூச்சு கரைந்து எப்போது வேண்டுமானாலும் விழும் நிலையில்உள்ளதால், பள்ளி வளாகத்தில் விளையாடும் மாணவர்கள் மீது சுற்றுச்சுவர் விழுந்து விபத்து ஏற்படும் அபாயம் நிலவுகிறது.எனவே, மாணவர்களின் பாதுகாப்பை கருதி, சேதமான சுற்றுச்சுவரை சீரமைக்க நடவடிக்கை எடுக்க வேண்டும் என, சமூக ஆர்வலர்கள் வேண்டுகோள் விடுத்துள்ளனர். இதுகுறித்து, பள்ளி ஆசிரியர் ஒருவரை கேட்ட போது, 'சேதமான சுற்றுச்சுவரை சீரமைக்க நடவடிக்கை எடுக்கப்படும்' என தெரிவித்தார்.