பல்லாங்குழி சாலையை சீரமைக்க வலியுறுத்தல்

வையாவூர்:வையாவூர் ஊராட்சி, தர்மநாயக்கன்பட்டரையில் பல்லாங்குழியாக மாறியுள்ள சாலையை சீரமைக்க வேண்டும் என, வாகன ஓட்டிகள் வலியுறுத்தி வருகின்றனர்.வாலாஜாபாத் ஒன்றியம், வையாவூர் ஊராட்சி, தர்மநாயக்கன்பட்டரையில் இருந்து, நல்லுார், வழியாக ஏனாத்துார் செல்லும் சாலை உள்ளது. வாகன போக்குவரத்து மற்றும் பொதுமக்கள் நடமாட்டம் அதிகம் உள்ள இச்சாலையில், தர்மநாயக்கன்பட்டரை பகுதியில் ஆங்காங்கே ஜல்லி கற்கள் பெயர்ந்து சாலை சேதமடைந்து பல்லாங்குழியாக மாறி உள்ளது. இதனால், இருசக்கர வாகனங்கள் அடிக்கடி பழுதடைகின்றன.எனவே, தர்மநாயக்கன்பட்டரையில் போக்குவரத்துக்கு லாயக்கற்ற நிலையில் சேதமடைந்த சாலையை, 'பேட்ச் ஒர்க்' பணியாக சீரமைக்க, மாவட்ட நிர்வாகம் நடவடிக்கை எடுக்க வேண்டும் என, வாகன ஓட்டிகள் வலியுறுத்தி உள்ளனர்.