இஷ்டம் போல் செல்லும் வாகனங்கள் குன்றத்துார் சந்திப்பில் தினமும் நெரிசல்

குன்றத்துார்:குன்றத்துார் அரசு ஆண்கள் பள்ளி அருகே, நான்கு சாலை சந்திப்பு உள்ளது. போரூர், பூந்தமல்லி, ஸ்ரீபெரும்புதுார், செம்பரம்பாக்கம் ஏரி கரை ஆகிய பகுதிகளுக்கு செல்லும் சாலைகள், இங்கு இணைகின்றன.இந்த வழியே பல்லாவரம், தாம்பரம், ஸ்ரீபெரும்புதுார், போரூர், பூந்தமல்லி உள்ளிட்ட பல்வேறு பகுதிகளுக்கு, தினமும் ஏராளமான வாகனங்கள் செல்கின்றன. இங்கு போக்குவரத்தை ஒழுங்குப்படுத்த சிக்னல் இல்லை. இதனால், வாகன ஓட்டிகள் தங்கள் இஷ்டம் போல் சாலையில் குறுக்கும் நெடுக்குமாக பயணிக்கின்றனர்.இதனால், போக்குவரத்து நெரிசலும், அடிக்கடி விபத்தும் ஏற்படுகிறது. இங்கு சிக்னல் அமைத்து போக்குவரத்தை ஒழுங்கு படுத்த போலீசாரை பணியில் ஈடுபடுத்த வேண்டும் என, வாகன ஓட்டிகள் எதிர்பார்கின்றனர்.