5 வயது தங்கையிடம் அத்துமீறல் 13 வயது அண்ணன் மீது போக்சோ

நாகர்கோவில்:கன்னியாகுமரி மாவட்டத்தில் 5 வயது தங்கைக்கு தொடர்ந்து செக்ஸ் டார்ச்சர் கொடுத்த 13 வயது அண்ணன் மீது போக்சோ வழக்கு பதிவு செய்யப்பட்டது.கன்னியாகுமரி மாவட்டம் வெள்ளிச்சந்தை அருகே ஒரு கிராமத்தைச் சேர்ந்த 30 வயது பெண், கணவரை பிரிந்து வாழ்கிறார். இவருக்கு 13 வயதில் மகனும் 5 வயது மகளும் உள்ளனர். அந்தப் பெண் நாகர்கோவிலில் உள்ள ஜவுளிக்கடையில் வேலை பார்த்து வருகிறார். காலையில் வேலைக்கு செல்லும் அவர் இரவு தான் வீடு திரும்புவார்.சமீப காலமாக பெரும்பாலான நாட்களில் அவரது 5 வயது மகள் அழுது கொண்டே இருந்துள்ளார். இதுகுறித்து கேட்டபோது அவர் எதுவும் சொல்லவில்லை. பின்னர் அந்த பெண் தீர விசாரித்ததில் மகனே தனது மகளிடம் பாலியல் சில்மிஷத்தில் ஈடுபட்டது தெரியவந்தது. ஆனால் 5 வயது சிறுமி தனக்கு என்ன நடக்கிறது என்று தெரியாமல் தினமும் அழுதுள்ளார்.இதை தொடர்ந்து சிறுமியின் தாய் குளச்சல் போலீசில் புகார் செய்தார். போலீசார் 13 வயது அண்ணன் மீது போக்சோ வழக்குப் பதிவு செய்து விசாரணை நடத்தி வருகின்றனர்.