லாலாப்பேட்டை மண்டியில் வாழைத்தார்கள் விற்பனை

கிருஷ்ணராயபுரம், மே 2லாலாப்பேட்டை வாழைக்காய் ஏலம் கமிஷன் மண்டிகளில், வாழைத்தார்கள் ஏலத்தில் விற்கப்பட்டது.கிருஷ்ணராயபுரம் ஒன்றியத்திற்கு உட்பட்ட லாலாப்பேட்டை, பிள்ளபாளையம், வல்லம், கொம்பாடிப்பட்டி, வீரவள்ளி, வீரகுமரான்பட்டி, கருப்பத்துார், கள்ளப்பள்ளி, நந்தன்கோட்டை, பொய்கைப்புத்துார், மகாதானபுரம் ஆகிய பகுதிகளில் விவசாயிகள் வாழை சாகுபடி செய்து வருகின்றனர். வாழைத்தார்கள் அறுவடை செய்து, லாலாப்பேட்டை வாழைக்காய் ஏலம் கமிஷன் மண்டிகளில் கொண்டு வந்து விற்பனை செய்யப்படுகிறது. நேற்று பூவன் வாழைத்தார் ஒன்று, 300 ரூபாய், கற்பூரவள்ளி வாழைத்தார், 250 ரூபாய், ரஸ்தாளி வாழைத்தார், 350 ரூபாய்க்கு விற்கப்பட்டது.