ரூ.61.10 லட்சம் மதிப்புள்ள வேளாண் பொருட்கள் ஏலம்

ரூ.61.10 லட்சம் மதிப்புள்ள வேளாண் பொருட்கள் ஏலம்கரூர்:சாலைபுதுார் ஒழுங்குமுறை விற்பனை கூடத்தில், தேங்காய், கொப்பரை தேங்காய், எள் சேர்த்து, 61 லட்சத்து, 10 ஆயிரத்து, 668 ரூபாய்க்கு விற்பனை நடந்தது.கரூர் மாவட்டம், நொய்யல் அருகில் சாலைபுதுார் ஒழுங்குமுறை விற்பனை கூடத்தில் தேங்காய் ஏலம் நேற்று முன்தினம் நடந்தது. சுற்று வட்டார பகுதிகளை சேர்ந்த விவசாயிகள், 2,676 தேங்காய்களை விற்பனைக்கு கொண்டு வந்தனர். ஒரு கிலோ குறைந்தபட்சமாக, 42.39, அதிகபட்சமாக, 57.59, சராசரியாக, 54.99 ரூபாய்க்கு ஏலம் போனது. மொத்தம், 903 கிலோ எடையுள்ள தேங்காய்கள், 47 ஆயிரத்து, 297 ரூபாய்க்கு விற்பனையானது.கொப்பரை தேங்காய் முதல் தரம் ஒரு கிலோ குறைந்தபட்சமாக, 176.77, அதிகபட்சமாக, 178.99, சராசரியாக, 178.88, இரண்டாம் தரம் குறைந்தபட்சமாக, 132.60, அதிகபட்சமாக, 174.95, சராசரியாக, 154.56 ரூபாய்க்கு ஏலம் போனது. மொத்தம், 7,648 கிலோ எடையுள்ள கொப்பரை தேங்காய், 12 லட்சத்து, 18 ஆயிரத்து, 753 ரூபாய்க்கு விற்பனை நடந்தது. கருப்பு ரகம் எள் ஒரு கிலோ குறைந்தபட்சமாக, 121.09, அதிகபட்சமாக, 188.99, சராசரியாக, 150 ரூபாய், சிவப்பு ரகம் ஒரு கிலோ குறைந்தபட்சமாக, 116.09, அதிகபட்சமாக, 143.90, சராசரியாக, 134.69 ரூபாய்க்கு ஏலம் போனது. மொத்தம், 32,058 கிலோ எடையுள்ள எள், 48 லட்சத்து, 44 ஆயிரத்து, 618 ரூபாய்க்கு விற்பனையானது. தேங்காய், கொப்பரை தேங்காய், எள் சேர்த்து, 61 லட்சத்து, 10 ஆயிரத்து, 668 ரூபாய்க்கு விற்பனையானது.