வாழைத்தார் விலை சரிவு

கிருஷ்ணராயபுரம்: கிருஷ்ணராயபுரம் ஒன்றியத்திற்கு உட்பட்ட பிள்ளபாளையம், வல்லம், கொம்பாடிப்பட்டி, வீரவள்ளி, வீரகுமாரன்-பட்டி, பொய்கைப்புத்துார், மகிளிப்பட்டி, திருக்காம்புலியூர், பிச்-சம்பட்டி, மகாதானபுரம் ஆகிய பகுதிகளில் விவசாயிகள் வாழை சாகுபடியில் அதிகம் ஈடுபட்டுள்ளனர். வாழைத்தார்களை அறுவடை செய்து லாலாப்பேட்டை வாழைக்காய் ஏல கமிஷன் மண்டிகளில் கொண்டு வந்து விற்-பனை செய்து வருகின்றனர்.கடந்த சில வாரங்களாக வாழைத்தார் விலை சரிந்து விற்பனை நடந்தது. நேற்று நடந்த ஏலத்தில் பூவன் வாழைத்தார் ஒன்று, 200 ரூபாய்; ரஸ்தாளி வாழைத்தார், 300 ரூபாய், கற்பூரவள்ளி வாழைத்தார், 130 ரூபாய் என்ற விலையில் விற்பனை செய்யப்-பட்டது. உள்ளூர், வெளியூர் வியாபாரிகள் வாங்கி சென்றனர்.