த.வெ.க., கூட்டத்தில் உயிரிழந்த 5 குடும்பத்தினரிடம் சி.பி.ஐ., விசாரணை

கரூர்: த.வெ.க., பிரசார கூட்டத்தில் உயிரிழந்த, ஐந்து பேரின் குடும்-பத்தினரிடம், நேற்று சி.பி.ஐ., அதிகாரிகள் விசாரணை நடத்தினர்.கரூர் வேலுச்சாமிபுரத்தில், கடந்த செப்., 27ல், விஜய் பங்கேற்ற த.வெ.க., பிரசார கூட்டத்தில், 41 பேர் நெரிசலில் சிக்கி உயிரிழந்தனர்.இது தொடர்பான வழக்கை, உச்சநீதிமன்ற உத்தரவின்படி, சி.பி.ஐ., அதிகாரிகள் விசாரித்து வருகின்றனர். அதற்காக, கரூர் கலெக்டர் அலுவலக பெருந்திட்ட வளாகத்தில் உள்ள, பயணியர் மாளிகையில் சி.பி.ஐ., சிறப்பு அலுவலகம் செயல்படுகிறது. கூட்ட நெரிசலில் சிக்கி, உயிரிழந்த ஐந்து பேரின் குடும்பத்தினர் நேற்று ஆஜராகினர். அவர்களிடம், வீட்டில் இருந்து எத்தனை மணிக்கு த.வெ.க., கூட்டத்துக்கு சென்றீர்கள், இறந்த தகவல் யார் மூலம் குடும்பத்தினருக்கு வந்தது, மருத்துவமனையில் இறந்-தார்களா அல்லது பிரசார கூட்டம் நடந்த இடத்தில் இறந்தார்களா என, சி.பி.ஐ., அதிகாரிகள் விசாரணை நடத்தியதாக தெரிகிறது. நேற்று கரூரில் காலை முதல் தொடர்ந்து மழை பெய்து வந்-ததால், விசாரணைக்கு வந்த உயிரிழந்தவர்களின் குடும்பத்தி-னரை, சி.பி.ஐ., அதிகாரிகள் காத்திருக்க வைக்காமல், விரைவாக விசாரித்து அனுப்பி வைத்தனர்.