மாவட்ட அளவில் அறிவியல் கண்காட்சி: ஆர்வம் காட்டாத தலைமை ஆசிரியர்கள்

கரூர்: மாவட்ட அளவிலான அறிவியல் கண்காட்சியில் பங்கேற்க வைப்பதில், அரசு பள்ளி தலைமை ஆசிரியர்கள் ஆர்வம் காட்ட-வில்லை.கரூர் மாவட்டத்தில், 130 உயர்நிலை, மேல்நிலை பள்ளிகள் மற்றும் உதவிபெறும் பள்ளிகளில், 40,000க்கும் மேற்பட்ட மாணவ, மாணவியர் படித்து வருகின்றனர். இதில், பள்ளி கல்வித்-துறை சார்பில் அறிவியல் கண்காட்சி, கடந்த, 28ல் நடந்தது. இதில், 40-க்கும் குறைவான பள்ளிகளே பங்கேற்றன என்பது அதிர்ச்சியை ஏற்படுத்தியுள்ளது.இதுகுறித்து, தமிழ்நாடு உயர்நிலை, மேல்நிலைப்பள்ளி பட்ட-தாரி ஆசிரியர் சங்கம் மாநில தலைவர் மலைக்கொழுந்தன் கூறிய-தாவது: அறிவியல் கண்காட்சியானது, பள்ளிகள் தோறும் நடத்தப்-படுகிறது. அதில், சிறப்பிடம் பெற்ற மாணவ, மாணவியரை தேர்வு செய்து, மாவட்ட அளவிலான அறிவியல் கண்காட்சிக்கு அழைத்து வர வேண்டும். மாவட்ட அளவில் வெற்றி பெற்ற மாணவ மாணவியர், மாநில அளவிலான அறிவியல் கண்காட்-சிக்கு தேர்வு செய்யப்படுகின்றனர். மாநில அளவில் வெற்றி பெற்றால் தமிழக அரசு சார்பில் பரிசுத்தொகையும், பாராட்டு சான்றிதழும் வழங்கப்படும்.. கிராமங்கள் தோறும் ஏழை அரசு பள்ளி மாணவர்களின் அறிவியல் ஆர்வத்தை துாண்ட வேண்டும். அவர்-களின் அறிவியல் திறனை ஊக்கப்படுத்த வேண்டும் என்ற நோக்கில், இதுபோன்ற திட்டங்கள் அரசால் செயல்படுத்தப்படு-கிறது. ஆனால், கரூர் மாவட்டத்தில் மட்டும், 130 அரசு மற்றும் அரசு உதவிபெறும் உயர்நிலை, மேல்நிலை பள்ளிகளில் இருந்தும், 40க்கும் குறைவான பள்ளிகளே பங்கேற்கின்றன. கடந்த, 28ல் நடந்த அறிவியல் கண்காட்சி குறித்து, பள்ளிகளுக்கு முறையாக தகவல் தெரிவிக்கப்படவில்லை. அப்படி தகவல் தெரிந்த அரசுப்பள்ளிகளும் பங்கேற்க ஆர்வம் காட்டவில்லை. மாவட்ட முதன்மை கல்வி அலுவலரின் உதவியாளர்கள், இரண்டு பேர் உள்ளனர். இவர்கள் பெரும்பாலும் அலுவலகத்தில் இருப்ப-தில்லை. இவர்களில், ஒருவர் அலுவலகத்தில் முழு நேரமாக இருந்து, இதுபோன்ற போட்டிகளை முறைப்படி நடத்துவதற்கு முயற்சி செய்ய வேண்டும். சுற்றறிக்கைகளை உடனுக்குடன் அனுப்பி வைக்க வேண்டும். அறிவியல் கண்காட்சியில் பங்கு பெறாத அரசுப்பள்ளி தலைமை ஆசிரியர் மீது நடவடிக்கை எடுக்க வேண்டும். இவ்வாறு அவர் கூறினார்.இதுகுறித்து, மாவட்ட முதன்மை கல்வி அலுவலர் ராஜூவிடம் கேட்டபோது, ''அறிவியல் கண்காட்சி நடப்பதற்கு, 2 நாட்கள் முன்பே பள்ளிகளுக்கு இ-மெயில் மூலம் தகவல் தெரிவிக்கப்பட்-டது. ஆனால், கண்காட்சி நடக்கும் நாளில், காலை, 11:00 மணி வரை காத்திருந்து பெரும்பாலான பள்ளிகள் கலந்துகொள்ள-வில்லை. பள்ளி அளவில் போட்டி நடத்தி, சிறப்பிடம் பிடிக்கும் மாணவ, மாணவியரை, மாவட்ட அளவிலான போட்டியில் பங்-கேற்க வைப்பது தலைமை ஆசிரியர் வேலை,'' என்றார்.