ரூ.9.44 லட்சத்துக்கு நிலக்கடலை ஏலம்
கரூர், கரூர் மாவட்டத்தில் நொய்யல் அருகே சாலைபுதுார் ஒழுங்குமுறை விற்பனை கூடத்தில் நிலக்கடலை ஏலம், நேற்று நடந்தது. ஏலத்தில் சுற்றுவட்டார பகுதிகளை சேர்ந்த விவசாயிகள், 439 மூட்டை நிலக்கடலையை விற்பனைக்கு கொண்டு வந்தனர். ஒரு கிலோ குறைந்தபட்சம், 57.50 ரூபாய், அதிகபட்சம், 75.21 ரூபாய், சராசரி, 72.41 ரூபாய் என, மொத்தம், 13,860 கிலோ எடையுள்ள நிலக்கடலை, 9 லட்சத்து, 44,758 ரூபாய்க்கு விற்பனையானது.