நலவாரிய உறுப்பினர்களுக்கு தீபாவளி போனஸ் கோரி மனு

கரூர் கட்டுமான, அமைப்புசாரா தொழிலாளர் நலவாரிய உறுப்பினர்களுக்கு, தீபாவளி போனஸ் வழங்க வேண்டும் என, தமிழ்நாடு எச்.எம்.எஸ்., கட்டுமானம் அமைப்புசாரா தொழிலாளர் பேரவை பொதுச்செயலர் கணேசன் தலைமையில், கரூர் கலெக்டரிடம் மனு அளிக்கப்பட்டது.அதில், கூறியிருப்பதாவது: தமிழகத்தில் கட்டுமான, அமைப்புசாரா மற்றும் ஆட்டோ தொழிலாளர்களுக்கு நிரந்தரமான முதலாளியோ அல்லது நிரந்தரமான மாத ஊதியமோ இல்லை. உழைப்பிற்கேற்ற ஊதியம் கொடுக்கப்படாத காரணத்தினாலும், வறுமை கோட்டுக்கு கீழே வாழ்ந்து வருகின்றனர். டெல்லி, புதுச்சேரி போன்ற மாநிலங்களில் தீபாவளி பண்டிகை கொண்டாட, நல வாரிய உறுப்பினர் களுக்கு போனஸ் வழங்குகிறது. அதேபோல், தமிழகத்தில் உள்ள கட்டுமான, அமைப்புசாரா மற்றும் ஆட்டோ நலவாரியங்களில் பதிவு பெற்ற தொழிலாளர்களுக்கு தீபாவளி போனஸ், 7,000 ரூபாய்- வழங்க வேண்டும்.இவ்வாறு, கூறப்பட்டுள்ளது.