பொதுமக்கள் குறைதீர் கூட்டம் நலத்திட்ட உதவிகள் வழங்கல்
கரூர், கரூர் கலெக்டர் அலுவலத்தில், மக்கள் குறைதீர் கூட்டம் நடந்தது. கலெக்டர் தங்கவேல் தலைமை வகித்து, பொதுமக்களிடம் இருந்து முதியோர் உதவித்தொகை, இலவச வீட்டுமனை பட்டா, வேலைவாய்ப்பு, கல்வி உதவித்தொகை, திருமண நிதியுதவி உள்பட, 392 மனுக்களை பெற்றார்.மாற்றுத்திறனாளிகள் நலத்துறை சார்பில் இருவருக்கு, 6,570 ரூபாய் மதிப்பிலான காதொலி கருவி, ஒருவருக்கு, 444 ரூபாய் மதிப்பிலான மடக்கு குச்சி மற்றும் கண் கண்ணாடி, ஒருவருக்கு, 11,947 ரூபாய் மதிப்பீட்டிலான கைக்கடிகாரம், டெய்சி பிளேயர், ஆதிதிராவிடர் நலத்துறை சார்பில், 5 பயனாளிகளுக்கு, 33,450 ரூபாய் மதிப்பீட்டிலான இலவச தையல் இயந்திரங்கள் என மொத்தம், 9 பயனாளிகளுக்கு, 52,411 ரூபாய் மதிப்பீட்டில் நலத்திட்ட உதவிகள் வழங்கப்பட்டன.டி.ஆர்.ஓ., கண்ணன், குளித்தலை சப்-கலெக்டர் சுவாதி ஸ்ரீ, ஆர்.டி.ஓ., முகமது பைசல், சப்-கலெக்டர் பிரகாசம் உள்பட பலர் பங்கேற்றனர்.