தொடர்ந்து காற்று அதிகம் வீசுவதால் ரோப்கார் சேவை நேரத்தில் மாற்றம்

குளித்தலை, : அய்யர்மலை கோவிலில், ரோப்கார் சேவை நேரம் மாற்றியமைக்கப்பட்டுள்ளது.குளித்தலை அடுத்த, அய்யர்மலையில் ரத்தினகிரீஸ்வரர் கோவில் உள்ளது. மலை மீதுள்ள கோவிலுக்கு பக்தர்கள் படிக்கட்டுகள் வழியாகவும், ரோப்கார் வழியாகவும் செல்லலாம். தற்போது கோவிலில் ரோப்கார் (கம்பிவடஊர்தி) சேவை காலை, 7:00 மணி முதல் மாலை, 5:00 மணி வரை இருந்து வருகிறது.இந்நிலையில், கடந்த சில நாட்களாக தொடர்ந்து காற்றின் வேகம் அதிகரித்துள்ளது. இதனால் பக்தர்கள் நலன் கருதி நாளை முதல் (18ம் தேதி) காலை 9:00 மணியில் இருந்து மதியம், 2:00 மணி வரை மட்டுமே ரோப்கார் சேவை நடைபெறும்.இத்தகவலை, அய்யர்மலை ரத்தினகிரீரஸ்வரர் கோவில் செயல் அலுவலர் (பொ) தீபா தெரிவித்துள்ளார்.