வெண்ணைமலை சேரன் மெட்ரிக் பள்ளி பத்தாம் வகுப்பு தேர்வில் சாதனை

கரூர் கரூர், வெண்ணைமலை சேரன் மெட்ரிக் மேல்நிலைப்பள்ளி மாணவர்கள், பத்தாம் வகுப்பு பொதுத்தேர்வு முடிவுகளில், பல்வேறு சாதனைகளை புரிந்துள்ளனர்.மாணவி தர்ஷனா, 495 மதிப்பெண்கள் பெற்று மாவட்ட அளவில் இரண்டாம் இடமும், பள்ளி அளவில் முதலிடமும் பெற்று சாதனை புரிந்துள்ளார். மாணவியர் ரிதன்யா ஸ்ரீ, சங்கமித்ரா ஆகியோர் தலா, 493 மதிப்பெண்கள் பெற்று பள்ளி அளவில் இரண்டாம் இடம் பிடித்துள்ளனர். மாணவி தன்யா, 492 மதிப்பெண்கள் பள்ளி அளவில் மூன்றாம் இடம் பிடித்துள்ளார். மாணவியர் நேத்ரா, தனுஸ்ரீ ஆகியோர் தலா, 491 மதிப்பெண்கள் பெற்று நான்காம் இடம் பிடித்துள்ளனர்.சமூக அறிவியல் பாடத்தில், 6 மாணவர்களும், அறிவியல் பாடத்தில், 4 மாணவர்களும், கணிதத்தில் ஒரு மாணவியும் 100க்கு 100 மதிப்பெண்கள் பெற்றுள்ளனர். தமிழில், 7 மாணவர்கள், ஆங்கிலத்தில், 15 மாணவர்கள், கணிதத்தில், 3 மாணவர்கள், அறிவியலில், 6 மாணவர்கள், சமூக அறிவியலில், 12 மாணவர்கள் 99 மதிப்பெண்கள் பெற்று சாதனை புரிந்துள்ளனர். சாதனை புரிந்த மாணவர்களுக்கு பள்ளி செயலாளர் பெரியசாமி, தாளாளர் பாண்டியன், முதல்வர் பழனியப்பன் ஆகியோர் பாராட்டு தெரிவித்தனர்.