சரக அளவிலான விளையாட்டு 886 மாணவர்கள் பங்கேற்பு

கிருஷ்ணகிரி, கிருஷ்ணகிரி, அரசு ஆண்கள் மேல்நிலைப்பள்ளி விளையாட்டு மைதானத்தில், நேற்று சரக அளவிலான விளையாட்டு போட்டி நடந்தது.சி.இ.ஓ., (பொ) முனிராஜ் போட்டிகளை துவக்கி வைத்தார். தலைமை ஆசிரியர் ரமேஷ் வரவேற்றார். டி.இ.ஓ., (இடைநிலை) ராசன், டி.இ.ஓ., (தனியார் பள்ளிகள்) கோபாலப்பா, மாவட்ட தொடக்கக் கல்வி அலுவலர் மோகன், உதவி திட்ட அலுவலர் மகேந்திரன் உள்பட பலர் பங்கேற்றனர். இதில், 31 அரசு, தனியார் பள்ளிகளைச் சேர்ந்த, 886 மாணவ, மாணவியர் பங்கேற்றனர்.பல்வேறு வயது பிரிவில் போட்டிகள் நடந்தன. 100 மீ., 200, 400, 800, 1,500, 3,000 மீட்டர் ஓட்டம், உயரம் தாண்டுதல், நீளம் தாண்டுல், வட்டு எறிதல், குண்டு எறிதல், ஈட்டி எறிதல், தடை தாண்டும் ஓட்டம் ஆகிய போட்டிகள் நடந்தன.