மாற்றுத்திறனாளிகள் ஆர்ப்பாட்டம்

தேன்கனிக்கோட்டை, கிருஷ்ணகிரி மாவட்டம், தேன்கனிக்கோட்டை தாலுகா அலுவலகம் முன், தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கம் சார்பில் ஆர்ப்பாட்டம் நடந்தது. வட்ட தலைவர் தியாகராஜன் தலைமை வகித்தார். செயலாளர் முனிராஜ், பொருளாளர் பெருமாள் முன்னிலை வகித்தனர். மாவட்ட தலைவர் திருப்பதி, பொருளாளர் ஜெயராமன் கண்டன உரையாற்றினர்.ஆர்ப்பாட்டத்தில், 100 நாள் வேலை திட்டத்தில், மாற்றுத்திறனாளிகளுக்கு முழு நாள் வேலையும், கூலியும் வழங்க வேண்டும். இலவச வீட்டுமனை பட்டா வழங்க வேண்டும். ரேஷன் கார்டுகளை ஏ.ஏ.ஒய்., கார்டாக மாற்றி கொடுக்க வேண்டும் என கோஷம் எழுப்பினர். வட்ட குழு துணைத்தலைவர்கள் மகாராஜா, கோவிந்தராஜ், அஜ்ஜேகவுடா, துணை செயலாளர்கள் சரவணகுமார், மகாலிங்கம், உமா உட்பட பலர் பங்கேற்றனர்.