ரூ.14 லட்சம் மதிப்பிலான வளர்ச்சி திட்ட பணி துவக்கம்

ரூ.14 லட்சம் மதிப்பிலான வளர்ச்சி திட்ட பணி துவக்கம்ஓசூர், அக். 22-தேன்கனிக்கோட்டை அடுத்த நொகனுார் பஞ்., உட்பட்ட அர்த்தக்கூர் கிராமத்தில், தளி எம்.எல்.ஏ., தொகுதி மேம்பாட்டு திட்டத்தில், 7 லட்சம் ரூபாய் மதிப்பில் புதிய ரேஷன் கடை கட்டும் பணி, தேன்கனிக்கோட்டை டவுன் பஞ்., உட்பட்ட, 17 வார்டு சீனிவாசபுரத்தில், 7 லட்சம் ரூபாய் மதிப்பில் பல்நோக்கு கட்டடம் கட்டும் பணி ஆகியவற்றை, தளி, இ.கம்யூ., - எம்.எல்.ஏ., ராமச்சந்திரன் நேற்று பூமிபூஜை செய்து துவக்கி வைத்தார். இ.கம்யூ., மாநில நிர்வாகக்குழு உறுப்பினர் லகுமைய்யா, டவுன் பஞ்., தலைவர் சீனிவாசன், மாவட்ட கவுன்சிலர்கள் பழனி, பூதட்டியப்பா, நகர செயலாளர் ஜெயந்த் உட்பட பலர் பங்கேற்றனர்.