மழையால் ஓசூர் மக்கள் மகிழ்ச்சி
ஓசூர், ஓசூர் சுற்றுப்புற பகுதிகளில், நேற்று முன்தினம் மாலை குளிர்ந்த காற்று வீசி, மழை வருவது போல் காலநிலை இருந்தது. ஆனால், மழை பெய்யாமல் தாமதமாகி வந்த நிலையில், நேற்று முன்தினம் இரவு, 11:30 மணிக்கு மேல், ஓசூர் மற்றும் அதன் சுற்றுப்புற பகுதிகளில், 16 மி.மீ., அளவிற்கு மிதமான மழை பெய்தது.அதேபோல், தேன்கனிக்கோட்டை மற்றும் அதன் சுற்றுப்புற பகுதிகளில், 5 மி.மீ., அளவிற்கு சாரல் மழை பெய்தது. கெலவரப்பள்ளி அணை பகுதியில், ஒரு மி.மீ., அளவிற்கு மழை பதிவாகி இருந்தது. கடந்த சில நாட்களாக அவ்வப்போது மழை பெய்வதால், விவசாயிகள் மற்றும் பொதுமக்கள் மகிழ்ச்சி அடைந்துள்ளனர்.