மேற்கு மாவட்ட தி.மு.க., இன்று அவசர செயற்குழு

ஓசூர்:கிருஷ்ணகிரி, தி.மு.க., மேற்கு மாவட்ட செயலாளர் பிரகாஷ் எம்.எல்.ஏ., வெளியிட்டுள்ள அறிக்கை:கிருஷ்ணகிரி மேற்கு மாவட்ட, தி.மு.க., அவசர செயற்குழு கூட்டம், மாவட்ட அவைத்தலைவர் யுவராஜ் தலைமையில், இன்று (மே 2) காலை, 10:00 மணிக்கு, ஓசூர் - தளி சாலையிலுள்ள ஆனந்த் கிராண்ட் பேலஸ் திருமண மண்டபத்தில் நடக்கிறது. உணவு பொருள் வழங்கல் துறை அமைச்சர் சக்கரபாணி பேசுகிறார்.எனவே, மாநகர, ஒன்றிய, பேரூர், பகுதி செயலாளர்கள், நிர்வாகிகள், மாநில, மாவட்ட அணிகளின் அமைப்பாளர்கள், துணை அமைப்பாளர்கள், தலைவர்கள், துணைத்தலைவர்கள், முன்னாள், இன்னாள் உள்ளாட்சி பிரதிநிதிகள், வார்டு செயலாளர்கள் தவறாமல் பங்கேற்க வேண்டும். கூட்டத்தில் ஜூன், 3ம் தேதி, மறைந்த முன்னாள் முதல்வர் கருணாநிதி பிறந்த நாள் விழா கொண்டாடுவது, வரும், 6ம் தேதி நடக்கவுள்ள ஓசூர், தளி, வேப்பனஹள்ளி சட்டசபை தொகுதி ஓட்டுச்சாவடி முகவர்கள், ஒருங்கிணைப்பாளர்கள் ஆலோசனை கூட்டம் மற்றும் கட்சி ஆக்கப்பணிகள் குறித்து விவாதிக்கப்பட உள்ளது.இவ்வாறு, அதில் தெரிவித்துள்ளார்.