ரூ.11.76 லட்சத்துக்கு தேங்காய் பருப்பு ஏலம்

ப.வேலுார், நாமக்கல் மாவட்டம், ப.வேலுார் அருகே, வெங்கமேடு தேசிய வேளாண்மை சந்தையில் நேற்று, ரூ.11.76 லட்சத்துக்கு தேங்காய் பருப்பு ஏலம் நடந்தது.தேசிய வேளாண்மை சந்தைக்கு ப.வேலுார், மோகனுார், பொத்தனுார், பாண்டமங்கலம், வெங்கரை, கபிலர்மலை, ஜேடர்பாளையம், பரமத்தி ஆகிய பகுதிகளில் இருந்து விவசாயிகள் தேங்காய் பருப்பை ஏலத்துக்கு கொண்டு வந்தனர். கடந்த வாரம் நடந்த ஏலத்திற்கு, 11,040 கிலோ தேங்காய் பருப்பு வரத்தானது. அதிகபட்சமாக கிலோ, 176.78 ரூபாய், குறைந்தபட்சமாக, 146.99 ரூபாய், சராசரியாக, 175.89 ரூபாய்க்கு ஏலம் போனது. மொத்தம், 16 லட்சத்துக்கு வர்த்தகம் நடந்தது. நேற்று நடந்த தேசிய வேளாண்மை சந்தையில் ஏலத்திற்கு, 7,520 கிலோ தேங்காய் பருப்பை விவசாயிகள் விற்பனைக்காக கொண்டு வந்தனர். அதிகபட்சமாக கிலோ, 188.10 ரூபாய், குறைந்தபட்சமாக, 136.99 ரூபாய், சராசரியாக, 185.10 ரூபாய்க்கு ஏலம் போனது. மொத்தம், 11 லட்சத்து, 76 ஆயிரம் ரூபாய்க்கு வர்த்தகம் நடந்தது.