ராசிபுரம் புது பஸ் ஸ்டாண்ட் பணி விரைந்து முடிக்க கலெக்டர் அறிவுரை

ராசிபுரம்;ராசிபுரம் நகராட்சி, அனைப்பாளையம் பகுதியில், ஆறு தளங்களுடன், 53.39 கோடி ரூபாய் மதிப்பீட்டில் எக்ஸ்-ரே, ஆய்வகம், ஸ்கேன் அறை, புற நோயாளிகள் பிரிவு, விபத்து மற்றும் தீவிர சிகிச்சை பிரிவு, முடவியல், கண், பல், காது, குழந்தை மருத்துவம், அவசர கால மகப்பேறு குழந்தை பராமரிப்பு, பிரசவ அறை, இருதய கண்காணிப்பு, ஆண், பெண் பொது மருத்துவம், பிரேத பிரிசோதனை கூடம் உள்ளிட்ட பல்வேறு சேவைகளுடன், 250 படுக்கைகள் கொண்ட மாவட்ட தலைமை மருத்துவமனை புதிதாக கட்டப்பட்டு வருகிறது. இதை கலெக்டர் துர்கா மூர்த்தி பார்வையிட்டு ஆய்வு செய்தார்.ராசிபுரம் நகராட்சி, அணைப்பாளையத்தில், 10.58 கோடி ரூபாய் மதிப்பீட்டில் கட்டப்பட்டு வரும் புதிய பஸ் ஸ்டாண்ட் பணிகளை, ஒப்பந்த காலத்திற்குள் விரைந்து முடிக்க அறிவுறுத்தினார். தொடர்ந்து, வெண்ணந்துார் ஊராட்சி ஒன்றியம், நடுப்பட்டி ஊராட்சியில் அனைத்து கிராம அண்ணா மறுமலர்ச்சி திட்டத்தின் கீழ், 13.30 லட்சம் ரூபாய் மதிப்பீட்டில் ரேஷன் கடை கட்டப்பட்டு வருவதையும், அரசு ஆரம்ப சுகாதார நிலைய கட்டுமான ஆய்வு மேற்கொண்டார்.