ரூ.3.58 லட்சத்திற்கு கொப்பரை விற்பனை

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் வெள்ளிக்கிழமை கொப்பரை தேங்காய் ஏலம் நடந்து வருகிறது. அதன்படி நேற்று நடந்த ஏலத்தில், சின்ன காளிப்பட்டி, மங்களம், செண்பகமாதேவி, பள்ளக்குழி அக்ரஹாரம், கரட்டுவளவு, ராமாபுரம், பருத்திப்பள்ளி, சோமனம்பட்டி, மாரம்பாளையம், கருங்கல்பட்டி உள்ளிட்ட பகுதிகளை சேர்ந்த விவசாயிகள், 2,580 கிலோ கொப்பரை தேங்காயை விற்பனைக்கு கொண்டு வந்திருந்தனர்.இதில், முதல் தரம் கிலோ, 228 ரூபாய் முதல், 196 ரூபாய்; இரண்டாம் தரம், 161 ரூபாய் முதல், 146 ரூபாய் என, மொத்தம், 3.58 லட்சம் ரூபாய்க்கு ஏலம் நடந்தது. அடுத்த ஏலம் வரும், 19ல் நடக்கிறது