ரூ.4.06 லட்சத்திற்கு கொப்பரை விற்பனை

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் வெள்ளிக்கிழமை கொப்பரை தேங்காய் ஏலம் நடக்கிறது. அதன்படி, நேற்று நடந்த ஏலத்தில், சூரியகவுண்டம்பாளையம், பள்ளிப்பட்டி, கொளங்கொண்டை, பருத்திப்பள்ளி, ராமாபுரம், கருங்கல்பட்டி, மரப்பரை, வையப்பமலை, பீமரப்பட்டி, மேல்முகம், பள்ளக்குளி அக்ரஹாரம், செண்பகமாதேவி உள்ளிட்ட பகுதிகளை சேர்ந்த விவசாயிகள், 60 கிலோ எடைகொண்ட, 47 மூட்டை கொப்பரை தேங்காயை விற்பனைக்கு கொண்டு வந்திருந்தனர்.முதல் தரம் கிலோ, 190.10 ரூபாய் முதல், 225.75 ரூபாய், இரண்டாம் தரம், 175.10 ரூபாய் முதல், 180 ரூபாய் என, மொத்தம், 4.06 லட்சம் ரூபாய்க்கு ஏலம் நடந்தது. அடுத்த ஏலம் வரும், 8ல் நடக்கிறது.