ரூ.36.53 லட்சத்திற்கு பருத்தி விற்பனை

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் புதன்கிழமை பருத்தி ஏலம் நடக்கிறது. அதன்படி, நேற்று நடந்த ஏலத்தில் பள்ளக்குழி அக்ரஹாரம், செண்பகமாதேவி, கரட்டுவளவு, மேல்முகம், பீமரப்பட்டி, ஜக்கம்மாதெரு, மங்களம், மாமுண்டி உள்ளிட்ட பகுதிகளை சேர்ந்த விவசாயிகள், 60 கிலோ எடை கொண்ட, 1,234 மூட்டைகளை விற்பனைக்கு கொண்டு வந்திருந்தனர்.இதில், சுரபி ரகம், 8,001 ரூபாய் முதல், 10,366 ரூபாய், பி.டி., ரகம், 6,239 ரூபாய் முதல், 7,819 ரூபாய், கொட்டு பருத்தி, 4,509 ரூபாய் முதல், 5,509 ரூபாய் என, மொத்தம், 36.53 லட்சம் ரூபாய்க்கு பருத்தி ஏலம் நடந்தது. கடந்த வாரம், 22.63 லட்சம் ரூபாய்க்கு விற்பனையான நிலையில், இந்த வாரம் வரத்து அதிகரிப்பால் விற்பனை அதிகரித்துள்ளது. அடுத்த ஏலம் வரும், 30ல்- நடக்கிறது.