ரூ.45 லட்சத்திற்கு பருத்தி விற்பனை

நாமக்கல், நாமக்கல், வேளாண் உற்பத்தியாளர் கூட்டுறவு விற்பனை சங்கத்தில், நேற்று பருத்தி ஏலம் நடந்தது. பல்வேறு பகுதிகளில் இருந்து விவசாயிகள், 1,840 மூட்டை பருத்தியை விற்பனைக்கு கொண்டு வந்தனர்.ஆர்.சி.எச்., ரகம் பருத்தி குவிண்டால் குறைந்தபட்சம், 7,199 ரூபாய், அதிகபட்சமாக, 7,516 ரூபாய்க்கு ஏலம் போனது. கொட்டு ரக பருத்தி குவிண்டாலுக்கு குறைந்தபட்சமாக, 4,399 ரூபாய், அதிகபட்சமாக, 4,799 ரூபாய்க்கு விற்பனையான. 1,840 மூட்டை பருத்தி, 45 லட்சம் ரூபாய்க்கு ஏலம் போனது.பருத்திகளை திருப்பூர், திண்டுக்கல், தேனி, சேலம், கொங்கணாபுரம், கோவை, அவிநாசி உள்ளிட்ட பகுதிகளை சேர்ந்த வியாபாரிகள், போட்டி போட்டு ஏலம் எடுத்தனர்.