ரூ.8.81 லட்சத்திற்கு பருத்தி விற்பனை

மல்லசமுத்திரம் :திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் புதன்கிழமை பருத்தி ஏலம் நடக்கிறது. அதன்படி, நேற்று நடந்த ஏலத்தில் மங்களம், கரட்டுவலவு, பல்லக்குழி அக்ரஹாரம், பீமரப்பட்டி, மாமரப்பட்டி, மேல்முகம், துத்திபாளையம், செண்பகமாதேவி, மேட்டுப்பாளையம், ராமாபுரம், பருத்திப்பள்ளி, சோமனம்பட்டி, கருங்கல்பட்டி உள்ளிட்ட பகுதியை சேர்ந்த ஏராளமான விவசாயிகள், 60 கிலோ எடை கொண்ட, 395 மூட்டை பருத்தியை விற்பனைக்கு கொண்டு வந்திருந்தனர். இதில், சுரபி ரகம் குவிண்டால், 8,040 ரூபாய் முதல், 9,166 ரூபாய்; பி.டி., ரகம், 7,232 ரூபாய் முதல், 7,999 ரூபாய், கொட்டு பருத்தி, 4,209 ரூபாய் முதல், 5,550 ரூபாய் என, மொத்தம், 8.81 லட்சம் ரூபாய்க்கு ஏலம் நடந்தது. அடுத்த ஏலம் வரும், 17ல் நடக்கிறது.