ரூ.1.08 லட்சத்திற்கு பருத்தி வர்த்தகம்

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்ல சமுத்திரம் கிளையில் புதன் தோறும் பருத்தி ஏலம் நடக்கிறது. அதன்படி, நேற்று நடந்த ஏலத்தில் சூரியகவுண்டம்பாளையம், பீமரப்பட்டி, மேல்முகம், காளிப்பட்டி, அம்மாபட்டி, மங்களம், கரட்டுவலவு, பள்ளக்குழி அக்ரஹாரம், ராமாபுரம், பருத்திப்பள்ளி, கொளங்கொண்டை, பள்ளிப்பட்டி உள்ளிட்ட பகுதிகளை சேர்ந்த விவசாயிகள், 60 கிலோ எடைகொண்ட, 51 மூட்டை பருத்தியை விற்பனைக்கு கொண்டு வந்திருந்தனர். இதில், பி.டி., ரகம் குவிண்டால், 6,655 ரூபாய் முதல், 7,629 ரூபாய்; கொட்டு பருத்தி, 4,805 ரூபாய் முதல், 5,055 ரூபாய் என, மொத்தம், 1.08 லட்சத்திற்கு பருத்தி ஏலம் நடந்தது. அடுத்த ஏலம் வரும், 4ல் நடக்கிறது.