விவசாயிகள் குறைதீர் கூட்டம் சங்க பிரதிநிதிகளுக்கு அழைப்பு

நாமக்கல்,'நாளை, கலெக்டர் அலுவலகத்தில், விவசாயிகள் குறைதீர்க்கும் நாள் கூட்டம் நடக்கிறது' என, நாமக்கல் கலெக்டர் துர்கா மூர்த்தி தெரிவித்துள்ளார்.இதுகுறித்து, அவர் வெளியிட்ட அறிக்கை: நாமக்கல் மாவட்டத்தில், இம்மாதத்திற்கான விவசாயிகள் குறைதீர்க்கும் நாள் கூட்டம், மாவட்டத்தில் உள்ள அனைத்து பகுதி விவசாயிகளும் பயன்பெறும் வகையில், கலெக்டர் அலுவலகத்தில், நாளை காலை, 10:30 மணிக்கு நடக்கிறது. கலெக்டர் துர்கா மூர்த்தி தலைமை வகிக்கிறார். இக்கூட்டத்தில், வேளாண் இடுபொருள் இருப்பு விபரங்கள், வேளாண் உழவர் நலத்துறை மற்றும் இதர துறைகளில் செயல்படுத்தப்பட்டு வரும் மானிய திட்டங்கள் குறித்து அறிந்து கொள்வதுடன், தங்களது கோரிக்கைகளையும் தெரிவித்து பயன்பெறலாம்.இவ்வாறு தெரிவிக்கப்பட்டுள்ளது.