ரூ.10 லட்சத்திற்கு ஆடுகள் விற்பனை
எருமப்பட்டி, எருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை நடக்கிறது. இந்த சந்தைக்கு, அம்பாயிபாளையம், நவலடிப்பட்டி, முட்டாஞ்செட்டி, கஸ்துாரிப்பட்டி உள்ளிட்ட கிராமங்களில் இருந்து விவசாயிகள் தங்கள் வளர்க்கும் ஆடுகளை விற்பனைக்கு கொண்டு வருகின்றனர். இந்நிலையில், நேற்று நடந்த ஆட்டுச்சந்தைக்கு, கிராமங்களில் இருந்து வரும் ஆடுகள் வரத்து குறைந்ததால், 10 லட்சம் ரூபாய்க்கு மட்டுமே வியாபாரம் நடந்தது.