டிப்பர் லாரி மோதியதில் லேப் டெக்னீசியன் பலி

வெண்ணந்தூர், வெண்ணந்தூர், பெரிய வீதி, பகுதியை சேர்ந்தவர் குணசேகரன் மகன் சரவணக்குமார்,43; லேப் டெக்னீசியன். நேற்று முன்தினம் இரவு தன் 'ஹீரோ ஹோண்டா ஸ்பிளண்டர் பிளஸ்' இருசக்கர வாகனத்தில், ராசிபுரம் பகுதியில் இருந்து வெண்ணந்தூர் நோக்கி சென்றார். மடம் பஸ் ஸ்டாப் அருகே சென்ற போது, எதிரே வந்த டிப்பர் லாரி, இவரது பைக் மீது மோதியது. பலத்த காயமடைந்த சரவணக்குமாரை, அருகில் இருந்தவர்கள், தனியார் மருத்துவமனைக்கு கொண்டு சென்றனர். அங்கு சரவணகுமாரை பரிசோதித்த மருத்துவர்கள் அவர் வரும் வழியில் உயிர் இழந்ததாக தெரிவித்தனர். வெண்ணந்தூர் போலீசார், சரவணகுமார் உடலைக் கைப்பற்றி, சேலம் அரசு மருத்துவமனைக்கு அனுப்பினர். விபத்து ஏற்படுத்திய லாரியை பறிமுதல் செய்தனர்.