பவித்திரம் ஆட்டு சந்தையில் ரூ.37 லட்சத்திற்கு வர்த்தகம்

எருமப்பட்டி, டிச. 10-எருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை நடக்கிறது. இங்கு, பவித்திரம் புதுார், செவ்வந்திப்பட்டி, கஸ்துாரிப்பட்டி உள்ளிட்ட, 20க்கும் மேற்பட்ட கிராமங்களில் இருந்து, விவசாயிகள் ஆடுகளை விற்பனைக்கு கொண்டு வருகின்றனர். கடந்த வாரம் மழை காரணமாக, பெரும்பாலான விவசாயிகள் ஆடுகளை விற்பனைக்கு கொண்டு வராததால், சந்தை வெறிச்சோடி காணப்பட்டது. இந்நிலையில், நேற்று நடந்த ஆட்டு சந்தைக்கு அதிகளவில் ஆடுகள் விற்பனைக்கு வந்தன. இதனால், கடந்த வாரம், 30 லட்சம் ரூபாய்க்கு வர்த்தகமான நிலையில், நேற்று, விற்பனை அதிகரித்து, 37 லட்சம் ரூபாய்க்கு வர்த்தகமானது.