பவித்திரம் ஆட்டு சந்தையில் ரூ.7 லட்சத்திற்கு வர்த்தகம்

எருமப்பட்டி, எருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை நடக்கிறது. இந்த சந்‍தைக்கு எருமப்பட்டி, முட்டாஞ்செட்டி, நவலடிப்பட்டி உள்ளிட்ட, 25க்கும் மேற்பட்ட கிராமங்களில் இருந்து விவசாயிகள் ஆடுகளை விற்பனைக்கு கொண்டு வருகின்றனர்.சில வாரங்களாக, திருச்சி, துறையூர் பகுதியில் இருந்து வரும் வியாபாரிகள், ‍அருகில் உள்ள செவ்வந்திப்பட்டி, வெள்ளாளப்பட்டி சந்தைக்கு ஆடுகளை வாங்க சென்று விடுகின்றனர். இதனால், பவித்திரத்தில் நடந்த சந்தைக்கு, வியாபாரிகள் வருகை குறைந்து காணப்படுகிறது. நேற்று நடந்த சந்தையில் ஏராளமான ஆடுகளை விவசாயிகள் விற்காமல் திருப்பி கொண்டு சென்றனர். இதனால், ஏழு லட்சத்திற்கு மட்டுமே வர்த்தகம் நடந்ததாக வியாபாரிகள் தெரிவித்தனர்.