பவித்திரம் ஆட்டு சந்தையில் ரூ.9 லட்சத்திற்கு வர்த்தகம்

எருமப்பட்டி, எருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை நடக்கிறது. இந்த சந்தைக்கு பவித்திரத்தை சுற்றியுள்ள காவக்காரன்பட்டி, முட்டாஞ்செட்டி, நவலடிப்பட்டி உள்ளிட்ட பகுதிகளில் இருந்து ஏராளமான விவசாயிகள், தாங்கள் வளர்க்கும் ஆடுகளை விற்பனைக்கு கொண்டுவருகின்றனர்.வார துவக்கத்தில் நடக்கும் சந்தை என்பதால் முசிறி, தொட்டியம், துறையூர் உள்ளிட்ட பகுதிகளில் இருந்து வரும் ஏராளமான வியாபாரிகள், கறிக்கடைகளுக்கு தேவையான ஆடுகளை அதிகளவில் வாங்கி செல்வது வழக்கம். ஆனால், நேற்று நடந்த ஆட்டுச்சந்தைக்கு, வியாபாரிகள் வரத்து குறைந்ததால், ஒன்பது லட்சம் ரூபாய்க்கு மட்டுமே வர்த்தகம் நடந்ததாக வியாபாரிகள் தெரிவித்தனர்.