பள்ளியில் டேக்வாண்டோ தேர்வு மாணவர்களுக்கு பதக்கம்
குன்னுார்: குன்னுார் வெலிங்டன் அருகே உள்ள ஹோலி ஏஞ்சல் மெட்ரிகுலேஷன் பள்ளியில், கராத்தே பயிற்சி டேக்வாண்டோ பெல்ட் தேர்வில், மாணவர்களுக்கு சான்றிதழ்கள் மற்றும் பதக்கங்கள் வழங்கப்பட்டன. குன்னுார் அருகே வெலிங்டன் பகுதியில் உள்ள ஹோலி ஏஞ்சல் மெட்ரிகுலேஷன் பள்ளியில், கராத்தே பயிற்சி ஒரு பகுதியாக, டேக்வாண்டோ தேர்வு நடந்தது. 18 மாணவர்கள் பங்கேற்றனர். டேக்வாண்டோ பயிற்சியாளர் மணிகண்டன் பயிற்சி அளித்தார். பள்ளி முதல்வர் சிஸ்டர் ஷெரில் தலைமை வகித்து, சான்றிதழ் மற்றும் பதக்கங்களை வழங்கினார். ஆசிரியர்கள், மாணவர்கள் பாராட்டு தெரிவித்தனர்.