எம்.ஜி.ஆர்., பிறந்த நாள் விழா; மாலை அணிவித்து மரியாதை

கோத்தகிரி; கோத்தகிரியில் அ.தி.மு.க., சார்பில், முன்னாள் முதல்வர் எம்.ஜி.ஆர்., பிறந்த நாள் விழா கொண்டாடப்பட்டது.கோத்தகிரி பேரூராட்சி செயலாளர் நஞ்சு சுப்ரமணி தலைமை வகித்தார். மாவட்ட செயலாளர் வினோத் கட்சி கொடியேற்றி, டானிங்டன் பகுதியில் அமைந்துள்ள எம்.ஜி.ஆர்., படத்திற்கு மாலை அணிவித்து மரியாதை செலுத்தினார். பொதுமக்களுக்கு இனிப்பு வழங்கப்பட்டது. தொடர்ந்து, 'வரும் பொது தேர்தலில் அ.தி.மு.க., நிறுவனர் எம்.ஜி.ஆர்; முன்னாள் முதல்வர் ஜெயலலிதாவின் ஆட்சி மலர, தொண்டர்கள் பாடுபட வேண்டும்,' என, உறுதிமொழி எடுக்கப்பட்டது.முன்னாள் எம்.எல்.ஏ., சாந்தி ராமு, பேரவை செயலாளர் சுரேஷ், முன்னாள் செயலாளர் சீனிவாசன், நிர்வாகிகள் கிருஷ்ணன், ராகவன் உட்பட பலர் பங்கேற்றனர்.இதேபோல, மாவட்டம் முழுவதும் எம்.ஜி.ஆர்., பிறந்த நாள் விழா கொண்டாடப்பட்டது.